Трамп унинг мурожаатини кўрсатмаган телеканалларга таҳдид қилди

АҚШ Президенти Дональд Трамп жорий йилнинг 16 июль оқшомида унинг мамлакат аҳолисига йўллаган ҳамда асосан миллий сайлов жараёнларига хорижнинг эҳтимолий аралашувига бағишланган мурожаатини трансляция қилишдан бош тортган Америка телекомпанияларининг лицензияларини бекор қилиш билан таҳдид қилди. Бу ҳақда у “Reuters” хабар берди.

“Камдан-кам кузатиладиган қадам сифатида фейк янгиликлар ижодкорлари бўлмиш NBC ва ABC ушбу нутқни ёритмасликларини маълум қилишди. Улар гап нима ҳақида кетишини билишарди. Бундай фирибгарлик уларнинг лицензияларини қайтариб олиш билан жазоланиши керак”, дейди Трамп.

Маълумот учун, CNN ва NBC телеканаллари Президентнинг жонли эфирдаги нутқини узатишдан бош тортган. Трамп ўз нутқида Хитой 2018 ва 2020 йиллардаги АҚШ сайловларига аралашиш учун миллионлаб сайловчиларнинг файлрига ноқонуний равишда кириш ҳуқуқини қўлга киритганини даъво қилган эди. CBS ва “Fox News” телеканаллари мурожаатни қисман намойиш этди, NBC ва ABC эса уни ўзларининг стриминг платформаларида трансляция қилди.

Қонунга кўра, Америка телеканаллари Президентнинг прайм-таймдаги чиқишларини намойиш этишга мажбур эмас. “Politico” нашрининг қайд этишича, оммавий ахборот воситалари илгари ҳам эфирлардан бош тортган – 2022 йилда бир нечта канал Жо Байденнинг демократияга таҳдидлар ҳақидаги мурожаатини кўрсатмаган, 2014 йилда эса ABC, CBS ва NBC Барак Обаманинг иммиграция масалаларига бағишланган чиқишига эътибор қаратмаган.

Эслатиб ўтамиз, аввалроқ Дональд Трамп халққа мурожаати давомида Хитойни Америка сайловларига аралашишда яна бир бор айблагани ҳақида хабар берилган эди.