Трамп Украина можаросини ҳал қилишга ким ёрдам бериши мумкинлигини айтди

АҚШ Президенти Дональд Трамп туркиялик мавқедоши Ражаб Тойиб Эрдўған Украинадаги можарони ҳал қилишга ёрдам бериши мумкинлигини инкор этмади, чунки унинг айтишича, “Россия Эрдўғанни ҳурмат қилади”. Бу ҳақда Оқ уй раҳбари Мисрдан кетаётган Air Force One бортида журналистларга сўз очди.

“Мен сизларга Украина ҳақида гапира олмайман, лекин Путин уни ҳурмат қилади ва у [Эрдўған] менинг дўстим. Мен кучсизлар билан эмас, кучлилар билан тил топишаман”, дейди Трамп.

Сентябрь ойида Америка етакчиси Эрдўған билан Оқ уйда бўлиб ўтган учрашувда можаро давом этаётган бир пайтда Туркия Россиядан энергия сотиб олишни тўхтатишини исташини айтди ва Эрдоғанни “жуда бетараф” деб атади.

“У бетараф бўлишни яхши кўради. Мен ҳам бетараф бўлишни яхши кўраман. Лекин агар у аралашиб кетса, у қиладиган энг яхши иш Россиядан нефть ва газ сотиб олмаслик бўлади”, деган эди АҚШ Президенти.

У, шунингдек, Россия Президенти Владимир Путинни тўхтатишни таклиф қилди. Ўтган ой Туркия можарони ҳал қилишда кўпроқ масъулиятни ўз зиммасига олишга тайёрлигини билдирган эди.

Кремль сўзловчиси Дмитрий Песков ўтган ҳафтада Москва “тинч йўл билан келишувга интилаётгани”ни айтди ва Путин ҳамда Трампнинг Аляскадаги учрашувини эътироф этди.

“Президент Трамп тинч йўл билан ҳал қилиш учун сиёсий иродасини сақлаб қолади, деб умид қилайлик”, деди Песков.

Шу билан бирга, Кремль Украина “европаликлардан аниқ илҳомланган” ва тинчлик жараёнига интилмаяпти, деб ҳисоблайди, чунки у учун “олдинги чизиқда нимадир ўзгаради” деб ҳисоблайди, лекин “ҳақиқий вазият бунинг аксини кўрсатади”.

Эслатиб ўтамиз, 13 октябрь куни АҚШ Президенти Дональд Трамп Мисрнинг Шарм-ал-Шайх шаҳрида ўтган саммитда минтақадаги бошқа раҳбарлар – Туркия Президенти Ражаб Тойиб Эрдўған, Миср Президенти Абдулфаттоҳ ас-Сиси ва Қатар Амири шайх Тамим бин Ҳамад Ол Соний билан бирга Ғазо бўйича тинчлик келишувини имзолаб, уни “жуда муҳим имзолаш маросими” деб таъкидлади.