Трамп президентликдан кетганидан сўнг қаерда яшаши маълум бўлди

Олам 10212
image

АҚШнинг амалдаги Президенти Дональд Трамп лавозимидан кетганидан сўнг Флорида штатидаги Мар-а-Лаго қароргоҳида яшашни режалаштирмоқда. Бу ҳақда "Bloomberg" хабар берган. 

Агентликнинг таъкидлашича, Трамп Палм-Бичдаги қароргоҳига сайланган давлат раҳбари Жо Байденнинг инаугурациясидан бироз олдин кўчиб ўтмоқчи. 

Шунингдек, ҳозирги Президент Оқ уйнинг амалдаги баъзи ходимларини ўз бўйсунувида қолишини хоҳламоқда.

Маълумот ўрнида, АҚШда 2020 йил 3 ноябрь куни президентлик сайловлари бўлиб ўтди. Президентликка асосий даъвогарлар – демократ Жо Байден ва амалдаги раҳбар, республикачи Дональд Трамп эди.

Оммавий ва сайловчиларнинг овоз бериш натижаларига кўра, Байден ғалаба қозонди, аммо Трамп сайлов натижаларини тан олмади ва судга даъво қилди.

6 январь куни Трампнинг тарафдорлари мамлакат пойтахти Вашингтондаги Капитолий олдида намойиш уюштириб, Конгресс биносига бостириб кирди. Шундан сўнг бир қатор мессенжерлар Трампнинг аккаунтларини блоклади.

Рушана Султонова
Мақолага баҳо беринг
Баҳолаганлар: 438
Рейтинг: 2.9
t
×