“Тоттенxем” Ҳарри Кейнга ўринбосар топди

Англиянинг “Тоттенxем” клуби “Челси” футболчиси Ромелу Лукакуни сотиб олмоқчи. Бу ҳақда “La Gazzetta dello Sport” нашри хабар берди. 

Қайд этилишича, “Тоттенxем” бугун, 11 август куни Германиянинг “Бавария” жамоасига кўчиб ўтиши аниқ бўлган 30 ёшли ҳужумчиси Ҳарри Кейннинг ўрнига “Челси”нинг бельгиялик ҳужумчиси Ромелу Лукакуни асосий номзод сифатида кўрмоқда. 

Лукакунинг “Интер”га трансфери муваффақиятсиз якунланган ҳамда “Ювентус” ҳам Лукаку борасида ноаниқ позицияда турган бир пайтда “Челси” “шпорларга” якуний жавоб бергани йўқ. 

Шунингдек, ҳужумчига Саудиянинг “Ал-Ҳилол” жамоаси ҳам қизиқиш билдирган. Клуб футболчининг ўзига йилига 50 миллион евро тўлашга тайёр. Шартнома тузилаётганда эса Лукаку сезиларли даражада бонус ишлаб олиши мумкин.

Маълумот учун, Ромелу Лукаку 2022/2023 йилги мавсумда “Челси” сафида 25 та ўйинда майдонга тушиб, 10 та гол ва 6 та голли узатмани амалга оширди. Унинг “Transfermarkt” порталидаги тахминий нархи 40 миллион еврони ташкил қилади.