Тошкентдан Истанбулга учган самолёт мажбуран Трабзон аэропортига қўндирилди

Жамият 17446
image

Кеча, 25 май куни Тошкент – Истанбул йўналишида парвоз қилган самолёт мажбуран Туркиянинг Трабзон аэропортига қўнди. Бу ҳақда “Uzbekistan Airways” АЖ маълум қилди.

HY-273 Тошкент – Истанбул авиақатновини амалга оширувчи ҳаво кемаси жадвалга мувофиқ Тошкентдан парвозни бошлаган. Техник сабабларга кўра ҳаво кемасиТошкент вақти билан соат 21:10 да Трабзон аэропортига мажбурий қўнишни амалга оширган.

“Ҳозирда ҳаво кемаси бортидаги 240 йўловчи ҳаётига ҳеч қандай хавф йўқ. Яқин вақт ичида барча йўловчилар Трабзон шаҳрида жойлашган меҳмонхонага жойлаштирилиб, тез фурсатларда белгиланган манзилга – Истанбул шаҳрига етказилади”, дейилади хабарда.

Ўз навбатида, ушбу сабаб туфайли HY274/25МАЙ22 Истанбул – Тошкент йўналиши бўйича авиақатнови вақти кечиктирилади (Истанбул маҳаллий вақти билан жадвалга мувофиқ 21:45 режалаштирилган парвоз). 

Компания Истанбулдан Тошкентга йўловчиларни олиб кетиш учун резерв ҳаво кемасини юбориш масаласи ишлаб чиқилмоқда.

Суннатилла Абдуллаев
Мақолага баҳо беринг
Баҳолаганлар: 837
Рейтинг: 3
t
×