Тошкентдаги ошхонада ёнғин содир бўлди
Ўзбекистон
−
13 Февраль 2021 5215 1 дақиқа
Тошкент шаҳри Яшнабод туманида жойлашган бинода ёнғин содир бўлди. Бу ҳақда Фавқулодда вазиятлар вазирлиги Матбуот хизмати хабар бермоқда.
Бугун, 13 февраь куни соат 19:31 да Яшнобод туманидаги Авиасозлар 3-тор кўчасида жойлашган овқатланиш шохобчаларидан бирида ёнғин содир бўлаётганлиги тўғрисида хабар келиб тушган. Ёнғин-қутқарув жанговар бўлинмалари манзилга соат 19:37 да етиб бориб, ёнғинни соат 20:07 да тўлиқ бартараф этган.
Воқеа жойига 5 та ёнғин-қутқарув экипажи жалб этилган. Офат оқибатида бинонинг тахминан 200 квадрат метр майдони зарарланган бўлиб, кўрилган тезкор ҳаракатлар натижасида бинонинг 400 квадрат метр майдони сақлаб қолинган. Ҳодиса оқибатида тан жароҳати олганлар йўқ.
Фавқулодда вазиятлар вазирлиги барчадан ёнғин хавфсизлиги қоидаларига қатъий риоя этишни сўраган.
Live
БарчасиШавкат Мирзиёев Уммонга борди
16 Ноябрь
Бангладешда тикувчилар иш ташламоқда
16 Ноябрь