Тошкентдаги “Ecobozor”да ёнғин содир бўлди (фото+видео)
3-саҳифа
−
28 Октябрь 2023 10469
Тошкент шаҳар Шайхонтоҳур туманидаги “Ecobozor” мажмуасида ёнғин содир бўлди. Бу ҳақда Фавқулодда вазиятлар вазирлиги хабар берди.
Бугун, 28 октябрь куни соат 06:58 да Шайхонтоҳур тумани “Бўстон” МФЙ, Беруний кўчасида жойлашган “Ecobozor” мажмуасида ёнғин юз берди.
Шунга кўра, 5 та ёнғин-қутқарув экипажи соат 07:04 да воқеа жойига етиб бориб, ёнғин соат 07:19 да ўраб олинган ва соат 07:26 да ўчирилган.
Ёнғин оқибатида савдо мажмуасининг 80 кв.м ташқи девор қопламаси қисми ва шу жойдаги кафенинг 70 кв.м майдонида ички ва том қисми ёниб зарарланган. Қутқарувчиларнинг тезкор ҳаракатлари натижасида савдо мажмуасининг 7000 кв.м майдони ёнғиндан сақлаб қолинган.
Ҳодиса оқибатида тан жароҳати олган ва ҳалок бўлганлар йўқ.
Ёнғин сабаби ва моддий зарар миқдори аниқланмоқда.
Эслатиб ўтамиз, аввалроқ пойтахтнинг Шайхонтоҳур туманида жойлашган ресторан ёниб кетганди.
Live
Барчаси
