Тошкентдаги бир нечта йўл ой охиригача ёпилади

Жамият 3461
image

Тошкент шаҳридаги Толимаржон ва Фарғона йўли кўчалари кесишмасида олб бориаётган йўл таъмирлаш ишлари сабабли 31 январга қадар бир нечта ҳаракатланиш йўналишлари ёпиқ бўлади. Бу ҳақда Тошкент шаҳар ҳокимлиги Ахборот хизмати хабар бермоқда.

Ёпиладиган йўналишлар қуйидагилар:

  • Сайхун кўчасидан Фарғона йўли кўчасига тўғри чиқиш йўли;
  • Фарғона йўли кўчасидан Сайхун  кўчасига тўғри тушиш йўли;
  • Толимаржон кўчасидан Фарғона йўли кўчасига бурилиш — “Ўзэлектроаппарат” заводидан “Фарғона” деҳқон бозори йўналишда;
  • “Ислом ота” масжидидан “Ўзбек қоғози” ОАЖ йўналишдаги дублёр йўли.

Қайд этилишича, мазкур йўл қисмида йўл таъмирлаш ишлари жараёнида транспорт оқимини тақсимлаш учун Сайхун ва Фарғона йўли кўчалари оралиғидаги қайтиш йўл бўйлаб икки томонлама ҳаракатланиш очилади.

Тирбандликларнинг олдини олиш учун ҳайдовчиларга айланма йўллар орқали ҳаракатланиш тавсия этилган.

Умиджон Нозимжонов
Мақолага баҳо беринг
Баҳолаганлар: 47
Рейтинг: 3.1
t
×