Тошкентда янги бино учун қазилган ҳандаққа 2 машина тушиб кетди

Crime

−

08 July 2023 visibility17646 timer1 minute

Бугун, 8 июль куни Тошкент шаҳрида қурилаётган янги бинонинг пойдевори учун қазилган ҳандақнинг бир четида ер ўпирилиш ҳодисаси содир бўлди. Оқибатда ҳандақ четидаги йўлда турган Matiz ва Spark русумли автомобиллар ҳандақ ичига тушиб кетди. Бу ҳақда Ўзбекистон Фавқулодда вазиятлар вазирлиги хабар берди.

Айтилишича, воқеа бугун, 8 июль куни тахминан соат 12:00 ларда Юнусобод тумани Ниёзбек йўли кўчасида рўй берган. Ҳодиса тўғрисида ФВВга хабар келиб тушмаган. Тарқалган хабар юзасидан воқеа жойига шаҳар ва туман ФВБ ходимлари чиқиб, ўрганиш ишларини олиб борган. Автомобиллар махсус техника ёрдамида ҳандақдан чиқариб олинган.

Ҳодиса оқибатида тан жароҳати олган ва ҳалок бўлганлар йўқ.

Author