Тошкентда носоз автобусни йўналишга чиқарган механик ишдан олинди

3-саҳифа

image

Ижтимоий тармоқларда Тошкент шаҳрида техник носоз ҳолатда йўлга чиққан автобус кўплаб эътирозларга сабаб бўлди. Ҳолат юзасидан “Тошшаҳартрансхизмат” изоҳ берди.

Қайд этилишича, шаҳардаги “7-Автобус саройи” филиали тасарруфидаги, MAN русумли 94-сонли автобус ҳайдовчиси Ш.Ш. ўзига бириктирилган автобусни орқа ойнасини эҳтиётсизлик оқибатида синдириб олган. 

Оқибатда ўз хизмат вазифасига масъулиятсизлик билан ёндошгани ва автобусни носоз ҳолатда йўналишга чиқаргани учун навбатчи механик Ш.С. билан тузилган меҳнат шартномаси бекор қилинган. Бундан ташқари “7-Автобус саройи” бош муҳандисига хайфсан интизомий чораси кўрилган.

“Тошшаҳартрансхизмат” АЖ томонидан “7-Автобус саройи” филиали мутасадди раҳбарларига тегишли кўрсатмалар берилди ҳамда барча ишчи ходимларга навбатдан ташқари йўриқнома ўтказилди. Йўловчиларни хавфсиз ташиш ва уларни ўз манзилларига соғ-омон етказиб қўйиш энг олий мақсадимиз эканлиги юзасидан яна бир бор тушунтириш ишлари олиб борилганини маълум қиламиз”, дейилади хабарда.

Эслатиб ўтамиз, бугун, 31 январь куни Президент ҳузурида жамоат транспорти соҳасини такомиллаштириш юзасидан йиғилиш бўлиб ўтди. Ушбу йиғилишда мазкур соҳадаги бир қанча муаммолар танқид қилиниб, керакли топшириқлар берилди.


Мақола муаллифи

Теглар

Тошкент автобус механик

Баҳолаганлар

0

Рейтинг

3

Мақолага баҳо беринг

Дўстларингиз билан улашинг