Тошкентда Mercedes ва Nexia тўқнашди
3-саҳифа
−
15 Декабрь 2020 10654
Бугун, 15 декабрь куни Тошкентнинг Яккасарой туманида Mercedes G 63 AMG ва Nexia тўқнашди. Бу ҳақда ЙҲХББ хабар берди.
Соат 20:40ларда Шота Руставели кўчасида жойлашган “Қанотчи” кафеси қаршисида ҳайдовчи, 1989 йилда туғилган М.А. бошқарувидаги Mercedes G 63 AMG русумли автомобиль 1981 йилда туғилган Р.А. бошқарувидаги Nexia билан тўқнашган.
Тўқнашув натижасида Nexia русумли автомобиль ҳайдовчиси, 39 ёшли Р.А. тан жароҳати билан шифохонага олиб кетилган.
Мазкур ЙТҲ юзасидан Тошкент шаҳар ИИББ ЙҲХБ масъул ходимлари томонидан тегишли ҳужжатлар расмийлаштирилиб, дастлабки суриштирув ишлари олиб борилмоқда.
