Тошкентда Lacetti билан тўқнашган Nexia-3 ағдарилиб кетди
Жамият
−
20 феврал 2021 6230 1 дақиқа
Тошкент шаҳри Мирзо Улуғбек туманида Lacetti ва Nexia-3 автомобиллари ўртасида йўл-транспорт ҳодисаси содир бўлди. Бу ҳақда Тошкент шаҳар Ички ишлар бош бошқармаси Ахборот хизмати хабар бермоқда.
Бугун, 20 февраль куни тахминан соат 11:05 ларда Тошкент шаҳри Мирзо Улуғбек туманидаги Мирзо Улуғбек кўчасида 33 ёшли Б.Х. бошқарувидаги Lacetti русумли транспорт воситаси, қайрилиб олиш жараёнида 42 ёшли У.Н. бошқарувидаги Nexia-3 русумли транспорт воситаси билан тўқнашув содир этган.
ЙТҲ оқибатида Nexia-3 русумли автомобиль ағдарилиб, йўлнинг қарама-қарши тарафига ўтиб кетган. Ҳайдовчи тан жароҳатлари олган, унга тиббий ёрдам кўрсатилган.
Мазкур ҳолат юзасдан терговга қадар текширув ҳаракатлари ўтказилмоқда.
Live
БарчасиИИҚК Ҳормузда АҚШ дрон кемасини йўқ қилди
10 сентябр
Белгия Ўзбекистонга ўз элчисини тайинлади
10 сентябр