Тошкентда 20 нафар қурувчи овқатдан заҳарланди
3-саҳифа
−
18 Январь 2023 8454
Тошкент шаҳрида фаолият кўрсатаётган қурилиш фирмаларининг бирида 20 нафар ишчи овқатдан заҳарланди. Бу ҳақда Санитария-эпидемиологик осойишталик ва жамоат саломатлиги хизмати хабар берди.
Маълум қилинишича, қурилиш фирмасининг ишчилари тез тиббий ёрдам машинасида Республика ихтисослаштирилган эпидемиология микробиология ва паразитар касалликлар илмий-амалий тиббиёт маркази қабул бўлимига овқатдан заҳарланиш эҳтимоли билан олиб келинган.
“Беморларга бирламчи тиббий ёрдам кўрсатилди. Ҳозирда уларнинг аҳволи қоникарли”, дейилади хабарда.
Шунингдек, Санитария-эпидемиологик осойишталик ва жамоат саломатлиги хизмати сифати ва хавфсизлиги кафолатланмаган маҳсулотларни истеъмол қилмаслик, истеъмол учун мўлжалланган таомларни тайёрлаш ва сақлашда санитария-гигиена қоидаларига амал қилишни сўраган.
Нурмуҳаммад Файзуллаев
Live
Барчаси