Тошкентда 16 ёшли қиз ростдан ўзини 3-қаватдан ташлаганмиди? БП изоҳ берди
Жамият
−
24 Апрель 2023 10420
Тошкентда 16 ёшли қиз жанжал сабаб бинонинг 3-қаватидан ўзини ташлагани ҳақида хабар берилганди. У аслида эҳтиётсизлик оқибатида йиқилиб тушгани ошкор қилинди. Ушбу ҳолат юзасидан Бош прокуратура батафсил маълумот берди.
Аниқланишича, жорий йилнинг 5 апрель куни Юнусобод туманида яшовчи 9-синф ўкувчиси Х.М. яшаб келаётган уйнинг 3-қаватида балкон ойнасини артаётганда эҳтиётсизлиги оқибатида йиқилиб тан жароҳати олган.
Х.М.га дарҳол тез тиббий ёрдам кўрсатилиб, шифохонага олиб кетилган. Ҳозирда вояга етмаган Х.М.нинг аҳволи яхши.
Мазкур ҳолат юзасидан суд-тиббий экспертизаси тайинланган.
"Юнусобод тумани прокуратураси томонидан терговга қадар текширув ҳаракатлари олиб борилмоқда", дейилади хабарда.
