Тошкентда 14 ёшли бола ўзи билан саломлашмаган танишини пичоқлади

Жамият 8890
image

Тошкент шаҳри Шайхонтоҳур туманида 14 ёшли бола ўзи билан саломлашмаган 22 ёшли танишини пичоқлади. Бу ҳақда Ички ишлар вазирлиги ҳузуридаги Тергов департаменти хабар бермоқда.

Маълум қилинишича, жорий йилнинг 1 май куни соат 23:30 ларда вояга етмаган 14 ёшли Х.И. Шайхонтоҳур тумани Илғор маҳалласида жойлашган, жамоат жойи ҳисобланган “Авиачипта” биносининг орқа томонида 22 ёшли А.О.га у билан икки кун олдин саломлашмаганини, уни ёш бола кўрганини важ қилиб, ҳеч бир сабабсиз чап қўлтиқ соҳасига бир маротаба пичоқ билан уриб жароҳат етказган.

Мазкур ҳолат юзасидан Шайхонтоҳур тумани бўйича ИИО ФМБ ҳузуридаги Тергов бўлинмаси томонидан Х.И.га нисбатан Ўзбекистон Республикаси Жиноят кодексининг 277-моддаси 2-қисми “в” банди (безорилик) билан жиноят иши қўзғатилиб, процессуал тартибда ушланган.

Ҳозирда тергов ҳаракатлари олиб борилмоқда.

Умиджон Нозимжонов
Мақолага баҳо беринг
Баҳолаганлар: 373
Рейтинг: 3
t
×