Тошкент вилояти ИИББ: Бекободда мактаб ўқувчи қизлари жанжаллашди

Жамият

image

Жорий йилнинг 17 октябрь куни “Facebook” ижтимоий тармоғида Тошкент вилояти Бекобод шаҳар ихтисослаштирилган санъат мактабининг 4 қиз ва 1 йигит ўқувчиси, бир қизни уриб тан жароҳати етказгани ҳақида хабарлар тарқалди.

Мазкур ҳолат юзасидан Тошкент вилояти ички ишлар бош бошқармаси маълумот беришича, жорий йилнинг сентябрь ойидан буён ижтимоий тармоқ орқали таниш бўлган Тошкент вилоятининг Бекобод шаҳрида жойлашган 11-сонли ихтисослаштирилган саньат мактабининг 2003 йилда туғилган ўқувчи қизлари М.А. ва Д.З. (Рухшона) ўртасида турли келишмовчиликлар бўлиб турган. Келишмовчиликни бартараф этиш мақсадида, Д.З. танишлари билан М.А.ни мактаб ҳовлисининг ҳоли ҳудудига чақирганд, улар гап талашиб қолишган. Натижада улар ўзаро жанжаллашиб кетишади. Д.З. М.А.ни бир-икки маротаба уриб, туртиб юборган вақтида М.А. мувозанатини йўқотиб, бетон қопламага пешонасининг чакка қисми билан йиқилган. Ушбу ҳолатда Д.З.нинг танишлари уларни ажратишган.

Йиқилиб тан жароҳати олган М.А. таниши билан Бекобод шаҳар Марказий шифохонасига борган.

Шундан сўнг, 21 сентябрь куни М.А.нинг дугонаси 2004 йилда туғилган Н.М. уни шифохонага кўргани бориб, М.А.нинг норозилигига қарамасдан ижтимоий тармоқ орқали Д.З. ва унинг таниши “Нозима” исмли қизнинг фотосуратларини “Қидирилмоқда” изоҳи билан тарқатган ҳамда шаҳарнинг жамоат жойлари пештахталарига ёпиштирган.

Ҳолат юзасидан Д.З.нинг ҳатти-ҳаракатларида Ўзбекистон Республикаси Жиноят кодексининг 109-моддасида (“Қасддан баданга енгил шикаст етказиш”) кўрсатилган жиноят аломатлари мавжуд бўлса-да, Д.З. вояга етмаганлиги учун Жиноят кодексининг 17-моддасига мувофиқ Д.З. ҳамда Н.М.нинг оналарига нисбатан, фарзандларини тарбиялаш ва таълим бериш борасидаги мажбуриятини етарли бажармаганлиги сабабли, Ўзбекистон Республикаси Маъмурий жавобгарлик тўғрисидаги кодекснинг 47-моддаси 1-қисмига асосан, тўпланган ҳужжатлар шаҳар ҳокимлиги қошидаги “Вояга етмаганлар билан ишлаш комиссияси”га юборилган.


Мақола муаллифи

Теглар

мактаб жанжал Бекобод

Баҳолаганлар

128

Рейтинг

2.9

Мақолага баҳо беринг

Дўстларингиз билан улашинг