Тошкент метрополитени 2022 йилда Россиядан яна 14та янги поезд сотиб олади

Жамият 1668
image

Тошкент метрополитенига 2022 йилда Россиядан 14 та ҳаракат таркиби сотиб олишни режалаштирмоқда. Бу ҳақда “Тошкент метрополитени” ДУК маъмурияти хабар берди.

Маъмурият Тошкент метрополитени йўналишлари кенгайганлиги бу орқали йўловчилар сони кундан кунга ортиб бораётгани сабабли метро бекатларида тирбандликлар юзага келаётганини тан олган.

Қайд этилишича, бу муаммони ҳал қилиш учун “Тошкент метрополитени” ДУК томонидан тирбандликларни олдини олиш, йўловчиларга қулайликлар яратиш мақсадида, шу кунга қадар, Россия Федерациясининг “Метровагонмаш” корхонаси томонидан ишлаб чиқарилган замонавий 60 та вагондан иборат 15 та ҳаракат таркиби олиб келинган.

Бундан ташқари, йўловчилар қатнови тиғиз бўлган вақтларда поездлар ҳаракатидаги оралиқ вақт интерваллари “Чилонзор” йўналишида 3 дақиқагача, “Ўзбекистон” йўналишида еса 4 дақиқагача, “Юнусобод” йўналишида еса 7 дақиқани ташкил этмоқда.

“Ушбу муаммони ҳал етиш борасида ҳам бир қанча масалалар кўрилмоқда. Маълумот ўрнида шуни айтиш мумкинки, 2022 йилда 14 та ҳаракат таркиби ҳарид қилиниши назарда тутилган”, дейилади ДУК хабарида.

Суннатилла Абдуллаев
Мақолага баҳо беринг
Баҳолаганлар: 30
Рейтинг: 3.2
Теглар
t
×