“Тошкент - Бишкек” халқаро автобус рейси қайта йўлга қўйилди
Жамият
−
12 Февраль 2019 3075
“Тошкент – Бишкек - Тошкент” халқаро автобус рейси фаолияти янги жадвал бўйича қайта йўлга қўйилди. Бу ҳақда "Халқ сўзи" ёзмоқда.
Тасдиқланган жадвалга кўра, автобуслар Бишкек автовокзалидан 9:00, 16:50 ва 23:30 да жўнаса, Тошкентдан илгаридагидек, яъни 9:00, 18:00 ва 22:00да йўлга чиқади.
Маълумот ўрнида, январь ойидан Қозоғистон Қирғизистон ва Ўзбекистон ваколатли органлари билан келишмаган ҳолатда “Тошкент – Бишкек – Тошкент ”йўналишидаги автобусларнинг транзит йўлини вақтинчалик тўхтатиб қўйган эди. Қозоғистон томони бу ҳолни ҳаракатнинг янги жадвалини тасдиқлаш жараёнлари билан изоҳлаган эди.
Эслатиб ўтамиз, “Тошкент – Бишкек - Тошкент” йўналиши Қозоғистон ҳудуди орқали ҳам ўтади.
Live
Барчаси