Тошкент аэропортида жанжал кўтарган Россия фуқароси қамалди (видео)
Crime
−
13 May 2024 15530 1 minute
Кеча, 12 май куни россиялик эркак самолётда жанжал кўтариб, ички ишлар ходимларининг қонуний талабларига бўйсунмаган. Бу ҳақда QALAMPIR.UZ манбаси хабар берди.
Маълумотларга кўра, соат 15:40 лар атрофида Россия фуқароси – 39 ёшли А.М. спиртли ичимлик истеъмол қилган ҳолда Тошкент–Москва йўналишида учишга тайёргарлик кўраётган рейс бортида жанжал кўтарган. У жамоат тартибини бузиб, экипаж аъзоларини ҳақорат қилган.
“Унга нисбатан Маъмурий жавобгарлик тўғрисидаги кодекснинг 183 ва 194-моддаси (Ички ишлар органлари ходимининг қонуний талабларини бажармаслик) 1-қисмларига асосан ҳужжатлар расмийлаштирилиб, Жиноят ишлари бўйича Тошкент шаҳар Сергели судига тақдим қилинган”, дейилади суд ҳужжатида.
Суд қарори билан А.М.га нисбатан 3 сутка маъмурий қамоқ жазоси, шунингдек 340 минг сўм миқдорида жарима тайинланган.
Live
All