Топ-500 таликка кирувчи университетни тамомлаганларга қўшимча устама тўлаб берилади

Халқаро рейтингларнинг топ 500 талигига кирувчи университетни тамомлаган ёки илмий даража олган кадрларнинг маошига 12 миллиондан 22,5 миллионгача устамалар қўшиб берилади. Бу ҳақда Давлат хизматини ривожлантириш агентлиги ахборат хизмати раҳбари Севара Зокирова АОКАда ўтказилган брифингда маълум қилди. 

Қайд этилишича, қўшимча устамалар Давлат хизматини ривожлантириш агентлиги, ёш мутахассис ва унинг иш берувчиси ўртасида имзоланган шартнома асосида ҳар ой тўлаб борилади. Шартнома 3 йилгача бўлган муддатга тузилади. Тўловлар иш берувчи томонидан амалга оширилади.

Халқаро рейтингда 1-дан 100-ўрингача бўлган хорижий олий таълим муассасаларининг бакалавриат босқичини тамомлаган ёш мутахассисларнинг лавозим маошларига базавий ҳисоблаш (БҲМ) миқдорининг 30 баробари миқдорида (9 миллион сўм) устама белгиланади. Магистратура босқичини тамомлаган ёш мутахассисларнинг лавозим маошларига БҲМнинг 40 баробари миқдорида (12 миллион сўм), хорижий олий таълим муассасаларида илмий даража (Phd ва унга тенглаштирилган бошқа илмий даража) олган ёш мутахассисларнинг лавозим маошига БҲМнинг 75 баробари миқдорида (22,5 миллион сўм), устама берилади.

Халқаро рейтингда 101-дан 300-ўрингача бўлган хорижий таълим муассасаларининг бакалавриат ва магистратура босқичини тамомлаган мутахассислар мос равишда БҲМнинг 20 баробари(6 миллион сўм) ва 30 баробари (9 миллион сўм) миқдорида устамага эга бўлади. Худди шу ўриндаги олий таълим муассасаларида илмий даражага эга бўлганларга БҲМнинг 60 баробари (18 миллион сўм) миқдорида қўшимча ҳақ тўланади.

Рейтингда 301-дан 500-ўрингача бўлган университетларни тамомлаган битирувчиларга эса БҲМнинг 15 (4,5 миллион сўм) дан 50 баробаригача (15 миллион) сўм устамалар тўлаб берилади. 

Маълумот учун, ҳозиргача агентлик томонидан 66 нафар ёш мутахассис билан устама тўлаш юзасидан шартнома тузилган. 

Халқаро эътироф этилган рейтинг берувчи ташкилотлар – Қуаcқуарелли Сймондс Wорлд Университй Ранкингс, Тимес Нигҳер Эдуcатион, Academic Ranking of World University ҳисобланади.