ТikТоk 2021 йилда энг кўп кирилган платформага айланди

Хитойнинг ByteDance компаниясига тегишли ТikТоk ижтимоий тармоғи 2021 йилда энг кўп ташриф буюрилган ресурс деб топилди. "The Wall Street Journal" нашрининг интернет трафикини назорат қилувчи "Cloudflare" компаниясига таяниб берган хабарига кўра, ТikТоk 2020 йил етакчиси бўлган Google'ни ортда қолдирган.

Компания олиб борган тадқиқотларига кўра, Хитой компаниясининг қисқа видеоларни кўриш ва яратиш платформаси илк бор жорий йилнинг февраль ойида ташриф буюрувчилар сони бўйича биринчиликни эгаллаган ва пастлашлардан кейин август ойидан бошлаб биринчи ўриндан тушмай келяпти. Ўтган йили бу ижтимоий тармоқ рўйхатда еттинчи ўринда эди.

Бу йилги иккинчи ўринни Google, учинчи ўринни эса Facebоок ижтимоий тармоғи эгаллади.

Маълумот учун, ТikТоk – Хитойнинг ByteDance компаниясига тегишли бўлган қисқа видеоларни яратиш ва кўриш учун мослаштирилган дастур ҳисобланади. У 2018 йилда ишга туширилган бўлиб, Хитойда қисқа видео иловалар бўйича етакчига айланди ва ҳозирда  бутун дунёда машҳурликка эришган.

Мунира Турсунова