Термиз, Урганч, Қарши ва Бухоро аэропортларини лойиҳалаштирган меъмор вафот этди
Local
−
28 July 2021 9742 1 minute
Бугун, 28 июль куни Ўзбекистонда хизмат кўрсатган меъмор Серго Михайлович Сутягин 84 ёшида коронавирусдан вафот этди. Бу ҳақда Facebook ижтимоий тармоғидаги Шаҳарсозлик Тўлқини жамоат саҳифасида маълум қилинди.
Серго Сутягин лойиҳалари асосида Тошкентдаги Алишер Навоий номидаги киносарой (“Панорама”), “Космонавтлар” метро бекати, “Аркада” савдо маркази, Чирчиқ шаҳри кириш қисмидаги Кранлар ёдгорлиги, Термиз, Урганч, Қарши ва Бухородаги аэропортлар, Нукусдаги Игор Савитский музейи қурилган.
Маълумот учун, Серго Михайлович Сутягин 1937 йилнинг 23 февралида Россия пойтахти Москва шаҳрида туғилган. Қайд этиш керакки, Москвада унинг лойиҳасига биноан Шереметево боғидаги фашизмга қарши уруш пайтида ҳалок бўлганлар хотирасига обелиск – “Хотира дарвозаси” қурилган.
Live
All