ТДТ навбатдаги саммити Қирғизистонда ўтадиган бўлди

Туркий Давлатлар Ташкилотининг навбатдаги саммити 2024 йилда Қирғизистонда бўлиб ўтади. Бу ҳақда Қозоғистон Президенти Қосим-Жомарт Тўқаев Остонада бўлиб ўтган ташкилот мамлакатлари раҳбарларининг 10-йиғилишида айтиб ўтди. 

“Туркий давлатлар ташкилотининг навбатдаги 11-саммити Қирғизистонда бўлиб ўтади”, дейди у. 

Қирғизистон Президенти Садир Жапаров унинг мамлакати 2024 йилда саммит ўтказишга тайёрлигини маълум қилган.  

“Қирғизистон Республикаси 2024 йилда республика ҳудудида навбатдаги ТДТ саммитини ўтказишга тайёр. Фурсатдан фойдаланиб, сизларни Қирғизистонда бўлиб ўтадиган 11-ТДТ йиғилишида иштирок этишга таклиф қилмоқчиман”, дейди у. 

Президентнинг сўзларига кўра, жорий саммит “инқироз даврида” ўтмоқда. 

“Бизда эса сиёсий ирода ва салмоқли иқтисодий салоҳият ёрдамида ўз олдимизга қўйган мақсадларга эришиш учун барча имкониятлар мавжуд”, дейди у. 

Жапаров, шунингдек, ташкилот доирасида “сайёҳлик маршрутлари”ни фаолроқ ишлаб чиқиш ва Қирғизистоннинг Жалолобод вилоятини 2025 йилда “турк дунёсининг сайёҳлик маркази” деб эълон қилишни таклиф қилди. 

Унинг фикрича, ТДТ давлатлари ҳам иқтисодий салоҳият ва барқарор ривожланишни ривожлантириш учун ҳаракат қилишлари керак. Шу муносабат билан, Жапаровнинг фикрича, ташкилотга аъзо мамлакатларнинг почта операторлари ўртасида рақамли трансформация соҳасида ўзаро ҳамкорликни концепцияни амалга ошириш бўйича ишчи гуруҳлар яратиш орқали кучайтириш керак. 

“Сизни туркий давлатлар ишлаб чиқарувчилари ва ишбилармонлари учун янада қулай шарт-шароитлар яратишга чақираман. Бизнес-форумларнинг ўтказилиши қўшма лойиҳаларни амалга оширишда манфаатлар мавжудлигидан далолат беради”, дейди Жапаров. 

Бу йил Ўзбекистон ТДТга раислик қилмоқда. Остонадаги саммитда Қозоғистон томони ташкилотга келаси йил раислигини қабул қилди.