Tayvanda harbiy samolyot halokatga uchradi (video)

Bugun, 15 fevral kuni Tayvan sharqidagi Taydun shahri yaqinida Brave Eagle o‘quv samolyoti halokatga uchradi. Bu haqda “Reuters” xabar berdi.

Aniqlanishicha, Tayvan harbiy-havo kuchlarining yangi mahalliy ishlab chiqilgan reaktiv samolyotlaridan biri dvigatelning nosozligi sabab halokatga uchragan.

Qayd etilishicha, uchuvchi samolyotdan chiqib ketishga muvaffaq bo‘lgan va samolyot dengizga qulagan.

“Hodisa mahalliy vaqt bilan ertalab soat 8:40 da sodir bo‘lgan. Samolyotning ikkala dvigateli ham havoga ko‘tarilganidan so‘ng ishdan chiqqan. Familiyasi Lin bo‘lgan uchuvchi parashyut bilan samolyotdan sakragan”, deyiladi xabarda.

Ma’lum qilinishicha, qidiruv-qutqaruv operatsiyasiga sohil xavfsizlik xizmati kemalari va mahalliy baliqchi qayiqlar jalb qilingan. Halokatni tergov qilish uchun maxsus guruh tuzilgan.

Eslatib o‘tamiz, joriy yilning 12 fevral kuni AQSH Harbiy-dengiz kuchlarining elektron jangovar samolyoti San-Diyego ko‘rfaziga qulab tushgandi. Samolyotning qulashiga “mexanik nosozlik” sabab bo‘lgan. Voqea sodir bo‘lgan joyga esa yordam uchun 60 nafar xodim, ikkita o‘ch o‘chiruvchi mashina, ko‘pikli yuk mashinasi, vertolyot, ikkita qayiq va qutqaruvchi jamoa yuborilgandi.