“Ташморе”нинг юзаси музлаб қолди

Жамият 4397
image

Сўнгги кунларда Ўзбекистонда юзага келган совуқ об-ҳаво шароити туфайли Тошкент вилоятида жойлашган Туябўғиз сув омборининг (Тошкент денгизи) юзаси музлаб қолди. Оқибатда эшкак эшувчилар сувда машғулот олиб бора олмаяпти. Бу ҳақда Миллий олимпия қўмитаси хабар бермоқда. 

Қайд этилишича, спортчилар машғулотларни тренажёр залида давом эттирмоқда. Айни дамда ушбу базада академик эшкак эшувчиларнинг тўлиқ таркиби, шунингдек, байдарка ва каноэчиларнинг маълум қисми машғулот олиб бормоқда.

Маълумот учун, Туябўғиз сув омбори(Тошкент денгизи) Оҳангарон дарёсининг ўрта оқимида барпо этилган гидротехника иншооти ҳисобланади. У 1962 йилда қурилган. Умумий ҳажми 250 млн метр куб, фойдали ҳажми эса, 224 млн метр куб. Ўртача чуқурлиги 12,5 метрни ташкил қилади.

Умиджон Нозимжонов
Мақолага баҳо беринг
Баҳолаганлар: 117
Рейтинг: 2.9
t
×