Ташқи қарзнинг бир қисми “тез ёрдам”ни ривожлантиришга ишлатилади

Жамият 2017
image

Тез тиббий ёрдам хизматини ташкил этиш ва рақамлаштириш учун 85 миллиард сўм ва Жаҳон банкидан жалб қилинган 5 миллион доллар йўналтирилади. Бу масалага бугун, 5 май куни Ўзбекистон Президенти Шавкат Мирзиёев шошилинч ва тез тиббий ёрдам сифатини яхшилаш ҳамда уни аҳолига янада яқинлаштириш чора-тадбирлари юзасидан бўлиб ўтган видеоселектор йиғилишида тўхталиб ўтди.

Йиғилишда Мирзиёев мамлакатда шошилинч ва тез тиббий ёрдам сифатини яхшилаш бўйича соҳа олдида турган вазифаларни белгилаб берди. 

Президентга кўра, жорий йил 1 июлдан ягона вертикал бошқарув асосида “103” Республика тез тиббий ёрдам маркази ва унинг вилоят филиаллари ташкил этилади. Бундан ташқари:

•  туманларда чақирувларни қабул қилиш диспетчерлик хизмати тугатилиб, вилоятларда ягона Колл-марказ ташкил этилади;

•  тез тиббий ёрдам кўрсатиш бир туман ҳудудида эмас, масофага қараб бутун вилоят бўйича йўлга қўйилади;

•  Call-марказда операторлар билан бирга алоҳида тиббиёт-маслаҳат бригадаси фаолият олиб боради.

Яъни, тез ёрдам бригадаси етиб боргунига қадар уларга беморнинг аҳволи ҳақида хабардор қилиб туриш, оила аъзоларига оғир аҳволдаги беморга биринчи ёрдам кўрсатиш бўйича телефон орқали маслаҳат бериш билан шуғулланади. 

Тез ёрдам хизматини ташкил этиш ва рақамлаштириш учун 85 миллиард сўм ва Жаҳон банкидан жалб қилинган 5 миллион доллар йўналтирилади.

Шунингдек, вилоят колл-марказлари тизимига тез тиббий ёрдам хизмати мавжуд хусусий клиникалар ҳам уланади.

Юлдуз Абдурашидова
Мақолага баҳо беринг
Баҳолаганлар: 43
Рейтинг: 2.9
t
×