Тарвуз ёки қовун, қай бири фойдалироқ?

Саломатлик 16894
image

Диетолог Ольга Кораблева қовун ва тарвуз ўртасида қандай фарқлар борлигини, улардан қайси бирида соғлик учун керакли витаминлар кўпроқ эканини маълум қилди. 

“Юз грамм қовунда 35 килокалория бор, тарвузнинг юз граммида эса калория миқдори атиги 25 ни ташкил қилади. Қовун тўйимлироқ: унинг таркибида клетчатка кўпроқ бўлади, у ичакнинг барқарор ишлаши учун муҳим аҳамиятга эга. Шунингдек, клетчатка организмни тозалайди ва холестеринни стабиллаштиради. Юз грамм қовунда 0,9 грамм, тарвузда эса тахминан 0,4 грамм клетчатка бўлади”, деган Кораблева. 

Мутахассиснинг фикрига кўра, қовун таркибида тарвузга қараганда кўпроқ C витамини мавжуд. Юз грамм қовун таркибида тахминан 36 миллиграмм C витамини, тарвузда эса тахминан 8 миллиграмм бор. Демак, катталар учун 70-100 миллиграм бўлган аскорбин кислотага бўлган кунлик эҳтиёжни қоплаш учун атиги 200 грамм қовун истеъмол қилиш керак. 

C витамини нафақат иммунитет учун муҳим, балки у без емирилишига ёрдам беради ва терига фойдали таъсир кўрсатади. 

“Тарвузда унга қизил ранг берувчи ликопин мавжуд. Ушбу антиоксидант атеросклероз ва юрак хасталиги хавфини камайтиради. Ликопин депрессия, хавотир ва ҳатто бўғимлардаги оғриқни камайтиришига оид тадқиқотлар мавжуд”, деган шифокор. 

Мутахассис сўзи охирида тарвуз ёки қовундан қайси бири фойдали эканини аниқ айтиш мумкин эмаслигини таъкидлаган.

Рушана Султонова
Мақолага баҳо беринг
Баҳолаганлар: 726
Рейтинг: 3
t
×