Талабанинг формасини белгилаш ваколати ОТМларга ўтказилади
Жамият
−
28 Декабрь 2021
36432022/2023 ўқув йилидан молиявий мустақил давлат олий таълим муассасаларига Вазирлар Маҳкамаси, вазирлик (идора)ларнинг қатор ваколатлари ўтказилади. Бу ҳақда Ўзбекистон Президентининг “Давлат олий таълим муассасаларининг академик ва ташкилий-бошқарув мустақиллигини таъминлаш бўйича қўшимча чора-тадбирлар тўғрисида”ги қарорида белгиланди.
Қарор билан Вазирлар Маҳкамаси, вазирлик (идора)ларнинг қуйидаги ваколатлари таълим муассасаларига ўтказилади:
• чет эл фуқаролари ўқишини хориждан давлат ОТМларига кўчириш;
• қабул комиссиялари таркиби, имтиҳон фанларини тасдиқлаш;
• амалиёт ўташни тасдиқлаш;
• кийим-бошга доир талабларни белгилаш.
ОТМларда ҳисоботларни тайёрлашнинг қоғоз шаклидан воз кечилади ва Олий таълим жараёнларини бошқариш ахборот тизими:
1-босқичда – 2022 йил 1 мартгача қуйидагилар жорий қилинади:
• “Ўқув жараёнини бошқариш” қисми (давомат, ўзлаштириш қайдномаси ва рейтинг дафтарчаси, гуруҳ журнали, дарс ва имтиҳон жадваллари рақамлаштирилади);
• “Илмий жараённи бошқариш” қисми;
• “Маъмурий жараённи бошқариш” қисми;
• “Молия-хўжалик фаолиятини бошқариш” қисми;
2-босқичда – 2022 йил 1 майгача:
• “Таълим сифатини назорат қилиш” қисми жорий қилинади.
Эслатиб ўтамиз, Президент қарори билан 35 та ОТМга молиявий мустақиллик берилиши белгиланди.
LiveБарчаси
07 Ноябрь 2023
07 Ноябрь 2023
07 Ноябрь 2023
07 Ноябрь 2023