Тадбиркорларга ер ажратиш муаммоси қандай ҳал этилади?

Президент Шавкат Мирзиёевнинг жорий йил 14 майдаги “Тадбиркорлик  фаолиятини қўллаб-қувватлаш ва ҳимоя қилиш тизимини такомиллаштириш чора-тадбирлари тўғрисида”ги  фармонининг мазмун моҳияти Халқаро  пресс-клуб сессиясида муҳокама қилинмоқда. 

Муҳокамада савдо-саноат палатаси раиси Адҳам Икромов ташкил этиладиган Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхоналарида Савдо саноат-палатасидан ҳам вакил бўлишини айтиб ўтди. Бу ҳақда ЎзА нашри хабар қилмоқда. 

Шунингдек, Халқаро пресс-клуб сессиясида тадбиркорларга  ер ажратиш  бўйича муаммолар ҳам кўриб чиқилди. 

Адиля вазири  Русланбек  Давлетов бу ҳақида фикр билдирар экан: “Ер ажратишда бюрократик тўсиқлар бор. Вилоятларда ҳокимлар ерни  аукционга  чиқармаяптилар. Ҳужжатлар стол устида қолиб кетяпти. Ҳокимиятнинг ер ажратиш бўйича ваколатини қисқартириш керак. Шу сабабли Ер кодексига ўзгартиришлар киритилмоқда”, деб такидлади.