Сурхондарё вилояти ҳокимига янги ўринбосар тайинланди

Жамият 3295
image

Алишер Бўриевич Хидиров Сурхондарё вилояти ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари лавозимида иш бошлади.

У 1982 йил Термиз туманида туғилган. 2004 йилда Тошкент темир йўл муҳандислари институтини, 2009 йилда Тошкент молия институтини тамомлаган. Маълумоти бўйича мутахассислиги – қурилиш муҳандиси, бухгалтерия ҳисоби ва аудит.

Алишер Хидиров меҳнат фаолияти давомида “Темирйўллойиҳа” ОАЖ институти техниги, муҳандиси, “Ўзбекистон темир йўллари” АЖ капитал қурилиш дирекцияси қурилиш бўйича муҳандис-технологи, “Ўзтемирйўлмаштаъмир” шўъба корхонаси ҳисобчиси, қурилиш бўлими муҳандис-технологи, “Ўзтемирйўлконтейнер” АЖ қурилиш бошқармаси бошлиғи лавозимларида меҳнат қилган.

Мазкур лавозимга тайинлангунга қадар Алишер Хидиров 2015 йилдан Ўзбекистон Касаба уюшмалари федерацияси тасарруфидаги “KASABA QURILISH TA`MIR” шўъба корхонаси директори вазифасида фаолият юритаётган эди.

Суннатилла Абдуллаев
Мақолага баҳо беринг
Баҳолаганлар: 93
Рейтинг: 3
t
×