Сурия ҳукумати шимоли-ғарбий вилоятлар ҳудудларини фалокат зоналари деб эълон қилди

Сурия Вазирлар кенгаши республика шимоли-ғарбида жойлашган Ҳалаб, Идлиб, Латакия ва Ҳама вилоятларининг зилзиладан жабр кўрган ҳудудларини фалокат зоналари деб эълон қилди. Бу ҳақда бугун, 10 февраль куни Суриянинг SANA агентлиги хабар берди. 

Қўшимча тафсилотлар ҳозирча берилмаган. 

Кеча, 9 февраль куни Сурия соғлиқни сақлаш вазирлиги раҳбари Ҳасан ал-Габаш зилзиладан жабр кўрган шаҳарларни табиий офат зонаси деб эълон қилиш масаласи исталган вақтда пайдо бўлиши мумкинлигини айтганди. Унинг қайд этишича, миллий соғлиқни сақлаш тизими зилзиладан кейин зарбага бардош бера олган, бироқ унга бўлган босим жуда катта. 

6 февраль куни Туркия жануби-шарқидаги Қаҳрамонмараш вилоятида 7,7 магнитудали зилзила содир бўлди. Ерости силкинишлари, кейин юзлаб ер силкинишлари мамлакатнинг ўнта вилоятида, шунингдек, қўшни давлатлар, жумладан Сурияда ҳам сезилган. Сурия Соғлиқни сақлаш вазирлиги маълумотларига кўра, Араб Республикасида 1,3 мингдан ортиқ киши табиий офат қурбони бўлган, қурбонлар сони 2,2 мингдан ошган. Суриянинг Дамашқ назорати остида бўлмаган ҳудудларида ҳалок бўлганлар, яраланганлар ва вайронагарчиликлар ҳақида тасдиқланган маълумотлар йўқ.