Суперкомпьютер ЖЧ ғолиблиги учун тахминларни янгилади 

Нуфузли “Opta” аналитика компанияси суперкомпьютери 2026 йилги Жаҳон чемпионатида ғолиблик учун асосий фаворит сифатида Франция терма жамоасини кўрсатмоқда. Бу ҳақда компания расмий сайтида маълум қилинди. 

Ярим финаллар олдидан янгиланган прогнозга кўра, Франциянинг чемпионлик эҳтимоли 33,81 фоизга баҳоланган. Бу кўрсаткич бўйича Испания иккинчи ўринни эгаллаб турибди. Испаниянинг бош совринни қўлга киритиш имконияти 24,16 фоиз деб баҳоланган. 

Кейинги ўринларда Англия (21,97 фоиз) ва Аргентина (20,06 фоиз) жойлашган. Жаҳон чемпионатининг ярим финал босқичида Франция жорий йилнинг 14 июль куни Испанияга қарши майдонга тушади. 15 июль куни эса Аргентина Англия билан финал йўлланмаси учун баҳс олиб боради. 

2026 йилги Жаҳон чемпионати АҚШ, Канада ва Мексикада ўтказилмоқда. Тарихда илк бор мундиалда 48 та миллий терма жамоа иштирок этмоқда. Турнир 19 июль куни якунланади. Амалдаги жаҳон чемпиони Аргентина терма жамоаси ҳисобланади.