“Соф мудофаа мақсадида”. АҚШ Польшага иккита “Patriot” жойлаштиради
Олам
−
09 Март 2022 11341
АҚШ Қуролли Кучларининг Европа қўмондонлиги (EUCOM) “АҚШ ва НАТО иттифоқчиларига бўладиган потенциал таҳдидга қарши туриш учун” Польшага “Patriot” зенит-ракета комплексларининг иккита батареяси юборилганини эълон қилди.
EUCOM қўмондони генерал Тон Уолтерснинг айтишича, бу қарор “соф мудофаа мақсадида” қабул қилинган.
Шунингдек, АҚШнинг Европадаги кучлари вакилларига кўра, бу ҳаракат агрессияни тўхтатиш ва НАТО иттифоқдошларини тинчлантиришга қаратилган.
“Patriot” – зенит-ракета тизими қисқа масофали баллистик ракеталар, самолётлар ва қанотли ракеталарни йўқ қилиш учун мўлжалланган.
Эслатиб ўтамиз, аввалроқ ОАВда АҚШ ва Польшанинг Украинага ҳарбий самолётлар бериш масаласидаги позицияларидаги келишмовчиликлар ҳақида хабар берилган эди.
Варшава самолётларни Украина томонига тўғридан-тўғри эмас, балки АҚШнинг Германиядаги ҳарбий базаси орқали топширишни таклиф қилди.
Пентагон бунга жавобан АҚШнинг самолётларни Украинага топшириш жараёнида “иштирок этишига” қарши чиққан.
Live
Барчаси