Собиқ UFC чемпиони автоҳалокатга учради

Кеча, 30 октябрь куни Бразилиянинг Белем шаҳрида UFC'нинг енгил вазн тоифасидаги собиқ чемпиони Дейвисон Фигейреду йўл-транспорт ҳодисасига учради. Ҳодиса оқибатида спортчининг Land Rover русумли автомобили бошқа машина билан тўқнашиб, ағдарилиб кетган. Бу ҳақда ММА fighting хабар берди. 

Фигейреду Белем шаҳридаги Квинтино Бокаюва кўчасида машинасини ҳайдаб кетаётган пайтда ён тарафдан келаётган машина унинг машинасининг ён томонига урилган. Тўқнашув оқибатида жангчининг автомобили бир неча марта айланган. Ҳодиса оқибатида спортчи жароҳат олмаган ва у билан ҳозирча ҳаммаси яхши. 

“Бир аёл катта тезликда, афтидан, қочишга уриниб, ён кўчадан чиқди ва менинг машинамнинг ён томонига урилди. Оқибатда? машинам бир неча марта ағдарилиб кетди”,  дейди Фигейреду ижтимоий тармоқдаги видеомурожаатида.

Унинг сўзларига кўра, ҳодиса пайтида машинада у ёлғиз бўлган ва жароҳат олмаган.

“Менинг машинам ўқ ўтмас эди, Худога шукурки, менга ҳеч нарса бўлмади”, дейди у.

Маълумот учун, Дейвисон Фигейреду профессионал фаолиятида 25 та ғалаба, 5 мағлубият ва 1 дуранг натижага эга. У яқинда UFC Rio турнирида Монтел Жексонни мағлуб этган. Фигейреду бундан олдин Пётр Ян ва Кори Сэндхэгенга қарши жангларда имкониятни бой берган.