“Сиз ҳали ёш қизчасиз”. Қудбиев Akfa ва Artel ҳақидаги саволдан қочиб, айбни журналистга ағдарди

Жамият

Бугун, 17 январь куни солиқ маъмуриятчилигидаги сўнгги янгиликларга бағишланган матбуот анжуманида Давлат солиқ қўмитаси раиси кўпчиликни қизиқтирган ва бир қанча эътирозларга сабаб бўлган муаммони олиб чиққан QALAMPIR.UZ журналистининг саволидан қочиб, уни халқ номидан гапиришда айблади. 

Анжуманда журналист Юлдуз Абдурашидова Artel, “Ўзбекистон темир йўллари” ва “Uzbekistan Аirways” каби йирик компанияларга солиқ имтиёзлари берилгани натижасида давлат бюджетига тўланмаётган маблағлар кимнинг елкасига тушаётгани, улар нега мол-мулк солиғидан озод қилингани ва уларнинг балансида қанча мол-мулк борлиги ҳақида савол берди. Аммо жавоб аниқ бўлмагани учун, Qalampir.uz журналисти яна сўз олиб, жавобдан қониқмагани, Artel каби корхоналарга берилаётган имтиёзларга изоҳ берилмаганини айтди. 

“Одамларимиз нега сизнинг саволингизга жавоб бермади деб менга ёзяпти: “Artel корхоналар тизимининг шохи борми? Кимнинг елкасига тушишини нега айтмаяпти?” Яъни халқимиз сиздан тўлиқ, батафсил жавоб кутяпти”, дея яна Давлат солиқ қўмитаси раиси Шерзод Қудбиевга юзланди.

Шу ўринда, Қудбиев, саволга жавоб қолиб, журналистнинг халқ номидан гапиришга ҳаққи йўқлигини таъкидлаб, шундай деди.

“Юлдузхон, бу масалада Молия вазири ўринбосари маълумот бермоқчи. Лекин менинг фикримча, мен сизнинг саволингизга “Юк ҳеч кимнинг елкасига тушмайди”, деб жавоб бердим. Қониқмаган бўлсангиз, бу сизнинг ишингиз. 

Иккинчидан, Юлдузхон, сиз ҳали ёш қизчасиз. Халқ номидан икки хил тоифадаги одамлар гапириши мумкин. Сиз халқ номидан гапира олмайсиз. Халқ номидан фақат Президент ва депутат гапириши мумкин. Сабаби уларни халқ сайлайди. Бошқа одамнинг халқ номидан гапиришга юридик ҳам ҳуқуқий ҳам ҳаққи йўқ”, деди ДСҚ раиси.

Журналист халқ ва давлат ўртасидаги “кўприк” ҳисобланиб, унинг асосий вазифаси халқнинг мурожаатини ҳукуматга етказишдан иборатдир. Аммо, бугун баъзи амалдорлар бундан норози.

ДСҚ раисининг журналистга халқ номидан гапира олмайсиз дегани тадбирда ўтирган бошқа журналистларнинг эътирозига сабаб бўлди. Молия вазири ўринбосари Дилшод Султонов эса "бировнинг уйига келиб шовқин қилманг" деди. Солиқ қўмитаси биноси бу давлат бюджетидаги пуллар эвазига келган. Бюджетдаги пуллар эса халқ пулига. Шундай экан “бировнинг уйи” деб гапириш қанчалик тўғри.


Мақола муаллифи

Теглар

солиқ молия Шерзод Кудбиевга

Баҳолаганлар

868

Рейтинг

3

Мақолага баҳо беринг

Дўстларингиз билан улашинг