Сирдарёда 5 та машина бир-бирига тўқнашди

Сирдарё вилояти Оқолтин туманида 5 та автомобиль иштирокида йўл-транспорт ҳодисаси юз берди. Бу ҳақда вилоят Ички ишлар Матбуот хизмати хабар берди.

Маълумотларга кўра, ушбу воқеа жорий йилнинг 18 апрель куни соат тахминан 14:20 ларда Сирдарё вилояти Оқолтин тумани ҳудудидан ўтувчи А-373 халқаро аҳамиятидаги автомобиль йўлида содир бўлган. Тошкент-Термиз йўналиши 4-километрида 3 та Lacetti ҳамда Cobalt тартибга солувчи светофорнинг қизил чироғида кетма-кет тўхтаб турган вақтида содир бўлган. Ушбу йўналишда ҳаракатланиб келаётган Lacetti ҳайдовчиси фуқаро Р.М. бошқарувни йўқотиб, юқорида кўрсатиб ўтилган автомашиналарнинг орқа томонидан келиб, тўқнашув содир қилган. 

Йўл-транспорт ҳодисаси оқибатида ҳеч ким тан жароҳати олмаган. Ҳозирда ҳолат бўйича суриштирув ишлари олиб борилиб, тўпланган ҳужжатлар қонуний қарор қабул қилиш учун Маъмурий жавобгарлик тўғрисидаги кодекснинг 133-моддаси билан Жиноят ишлари бўйича Оқолтин туман судига юборилган.