Шомуродовга яна бир даъвогар чиқди
Спорт
−
17 Июль 2023 22989
Италиянинг “Кальяри ”клуби Ўзбекистон терма жамоаси сардори Элдор Шомуродов хизматларига қизиқиш билдирмоқда. Бу ҳақда “Calciomercato” хабар берди.
Манбага кўра, А Серияга қайтган “Кальяри” ҳужум чизиғини кучайтириш учун икки ҳужумчи изламоқда. Номзодлар орасида Элдор Шомуродов ҳам бор. Клуб спорт директори Нерео Бонато Шомуродовни сотиб олиш ҳуқуқи билан ижарага олишга ҳаракат қилади.
“Кальяри”дан ташқари ўзбекистонлик ҳужумчига Италиянинг “Лечче” ва Испаниянинг “Жирона” жамоалари ҳам қизиқиш билдирмоқда.
Маълумот учун, Шомуродов ортда қолган мавсумнинг аксарият қисмини “Специя”да ижара асосида ўтказди. Унинг трансфер ҳуқуқлари Римнинг “Рома” клубига тегишли. Ўтган мавсум футболчи клуб миқиёсида умумий 24 та ўйинда майдонга тушиб, 2 та гол урди ва худди шунча голли узатмани амалга оширди.
Live
Барчаси
