Шомуродов ўрнига Роналду ёхуд Моурнинг эркатойи Римга келиши мумкин
Спорт
−
26 Октябрь 2022 12300
"Манчестер Юнайтед"нинг португалиялик ҳужумчиси Криштиану Роналду фаолиятини Италия чемпионатида давом эттириши мумкин. Бу ҳақда "Todofichajes" нашрида хабар берилди.
Журналистларнинг фикрича, 37 ёшли футболчининг хизматларига Жозе Моуриньо мураббийлик қилаётган пойтахтнинг "Рома" клуби қизиқиш билдирмоқда. Криштианунинг агенти Жорже Мендеш январь ойидаги трансфер ойнасида мижози масаласини муҳокама қилмоқчи.
Таъкидлаш жоизки, Роналду ўзбекистонлик футболчи Элдор Шомуродов билан бир хил позицияда ўйнайди. Агар Роналду "Рома"га келса, Шомуродов "бўрилар" сафида ўйин амалиётига эга бўлмаслиги эҳтимоли жуда юқори. Шундоғам римликлар ўз сафига Андреа Белоттини қўшиб олганидан сўнг, ўзбекистонлик ҳужумчи деярли захирага "михланди".
Роналдунинг "қизил иблислар" билан амалдаги шартномаси 2023 йилнинг ёзига қадар амал қилади. Унинг ҳозирги трансфер нархи 20 миллион еврога баҳоланмоқда.
Шахзод Шукуров
Live
Барчаси