Шимолий Македониядаги фожиада таниқли футболчи вафот этди

Жорий йилнинг 16 март куни кечқурун Шимолий Македония Кочани шаҳридаги “Пульсе” тунги клубида DNK дуэтининг концерти чоғида пиротехника воситаларидан чиққан учқундан бинонинг том қисми ёниб кетди ва оқибатда 50 нафардан ортиқ одам ҳалок бўлди. Бую ҳақда “Dailysports” хабар берди.

Манбага кўра, ҳалок бўлганлардан ташқари яна 100 дан ортиқ киши турли даражадаги тан жароҳатлари олган. Бу фожиа футбол оламини ҳам четлаб ўтмади.

Қайд этилишича, Македония олий лигасининг “Шкупи” клуби марказий ярим ҳимоячиси Андрей Лазаров тунги клубда вафот этган. 25 ёшли футболчи ёнаётган бинодан одамларни қутқаришга ҳаракат қилган, бироқ охир-оқибат ўзи қочиб қутула олмаган.

Андрей Лазаров “Шкупи” учун асосий таркиб футболчиси бўлган ва бунгача у Хорватияда “Гориса” ​​ва “Рудеш” клубларида, ватанида эса “Тиквеш” ва “Работнички”да ўйнаган. У Шимолий Македония ёшлар терма жамоаси сафида ҳам 1 та ўйинда қатнашишга улгурган.