Шимолий Корея Сариқ денгизга яна тўртта ракета учирди

Шимолий Корея Сариқ денгизга тўртта қисқа масофали баллистик ракета учирди. Бу ҳақда Жанубий Кореянинг “Yonhap” ахборот агентлиги хабар бермоқда.

Маълумотларга кўра, ракеталар Шимолий Пхёнган вилоятидаги Тонним ҳудудидан маҳаллий вақт билан соат 11:32 дан 11:59 гача учирилган.

Ракеталарнинг учиш масофаси тахминан 130 км, парвоз баландлиги тахминан 20 км ва тезлиги тахминан 5 км/соатни ташкил қилади.

“Yonhap” хабарига кўра, бошқа хусусиятлар Жанубий Корея ва АҚШ разведка хизматлари томонидан синчковлик билан таҳлил қилинади.

Эслатиб ўтамиз, учиришлар КХДР қаршилик кўрсатган АҚШ ва Жанубий Кореянинг “Vigilant Storm” қўшма ҳаво машқлари фонида амалга оширилмоқда. Улар 31 октябрда бошланган ва 4 ноябргача давом этади. Манёврларда 240 дан ортиқ самолётлар, жумладан, Американинг илғор F-35A стелс қирувчи самолётлари иштирок этмоқда. 

КХДР Сеул ва Вашингтоннинг ушбу ва бошқа машғулотлари туфайли Корея ярим ороли дунёда ҳарбий кескинлик энг юқори бўлган қайноқ нуқтага айлангани ва минтақадаги хавфсизлик вазияти янада жиддийлашганини айтди.

Октябрь ойида Шимолий Корея бешдан ортиқ ракета учиришни амалга оширди, КХДР ҳам қанотли ракеталарни синовдан ўтказди. Бундан ташқари, 24 октябрь куни Жанубий ва Шимолий Корея ҳарбийлари ўртасида отишма бўлиб ўтди: Сеулнинг огоҳлантирувчи ўқларига жавобан,  КХДР кемасининг Сариқ денгиздаги денгиз демаркация чизиғини кесиб ўтганлиги сабабли, Пхеньяндан бир нечта ракета тизимлари орқали 10 та снаряд отилди.