Шавкат Мирзиёевни расмий кутиб олиш маросими бўлиб ўтди (видео)

Бугун, 22 август куни Озарбайжонга давлат ташрифи билан борган Ўзбекистон Республикаси Президенти Шавкат Мирзиёевни расмий кутиб олиш маросими бўлиб ўтди.

Ҳар икки давлатнинг давлат байроқлари ҳилпираб турган майдонда Ўзбекистон Президенти шарафига фахрий қоровул саф тортган. Озарбайжон Президенти Илҳом Алиев ва Биринчи хоним Меҳрибон Алиева Ўзбекистон Президенти Шавкат Мирзиёев ва унинг рафиқаси Зироатхон Мирзиёевани қабул қилган.

Фахрий қоровул бошлиғи Ўзбекистон Президентини ҳисобот берган. Президент Шавкат Мирзиёев Озарбайжон аскарларини қутлаган.

Давлат раҳбарлари фахрий қоровул сафини айланиб ўтган.

Ўзбекистон Республикаси ва Озарбайжон Республикаси давлат мадҳиялари янграган.

Ҳарбий марш садолари остида Ўзбекистон Президенти Шавкат Мирзиёев ва Озарбайжон Президенти Илҳом Алиев олдидан фахрий қоровул саф тортган. Давлат раҳбарлари ва уларнинг рафиқалари расмий суратга тушган.

Эслатиб ўтамиз, олдинроқ Шавкат Мирзиёев Озарбайжон халқининг умуммиллий етакчиси Ҳайдар Алиев мангу қўним топган Фахр хиёбонига ва Шаҳидлар хиёбонига ташриф буюрганди.