Шавкат Мирзиёев 8-автобус саройига борди

Жамият

image

Ўзбекистон Республикаси Президенти Шавкат Мирзиёев пойтахт Тошкентдаги сафари давом этмоқда. Давлат раҳбари Юнусобод туманида барпо этилаётган Тошкент Архитектура-қурилиш институтининг янги биносини ва 8-автобус саройини бориб кўрди.

Президент Матбуот хизматининг қайд этишича, институт янги биносининг қурилиш ишлари жорий йил июль ойида бошланган. 5 қаватли иккита ўқув корпуси, 8 қаватли маъмурий бино ва 4 қаватли ётоқхона қад кўтармоқда.

Бугунги кунда институтда 5 минг 400 дан зиёд талаба таълим олади. 2020/2021 ўқув йилидан кредит-модуль тизимига ўтиш натижасида 18 та бакалавр таълим йўналиши ва 23 та магистратура мутахассислиги очилган. Бўлғуси қурувчиларга замонавий билим бериш мақсадида “ақлли” уйлар ва шаҳарлар инфратузилмасини лойиҳалаш, меҳнат муҳофазаси ва техника хавфсизлиги, иншоотлар зилзилабардошлиги каби янги йўналишлар дастурга киритилган.

Бинолар фойдаланишга топширилгач, талабаларни қабул қилиш қамрови ва таълим сифати ортади.

“Охирги йилларда мамлакатимизда қурилиш соҳаси ривожланди, катта-катта иншоотлар, заводлар, уйлар барпо этилмоқда. Лекин ким лойиҳа қиляпти, ким қуряпти, қандай қуряпти, деган саволлар кўндаланг турибди. Бу ерда замонавий қурилиш индустриясига мос юқори малакали мутахассислар тайёрланиши керак”, деди Шавкат Мирзиёев.

Давлат раҳбари институт ёнидаги 8-автобус саройини ҳам кириб кўрди. Бу автопаркни бошқа жойга кўчириб, замонавий шарт-шароитлар яратиб бериш, унинг ўрнида қурилиш материаллари бўйича илмий-тадқиқот маркази ташкил этиш таклифи билдирилди.

“Бу ҳудуд қурувчилар массиви бўлиши керак”, деган давлат раҳбари.

Архитектура-қурилиш институтининг мураббийлари, илмий-тадқиқот маркази мутахассислари ва уларнинг оилалари учун ижтимоий объектлар ҳам барпо этилиши айтилди.


Мақола муаллифи

Теглар

8-автобус саройи Тошкент Архитектура-қурилиш институти

Баҳолаганлар

314

Рейтинг

3.1

Мақолага баҳо беринг

Дўстларингиз билан улашинг

Мавзуга доир янгиликлар