Саудия Арабистонида “Туялар фестивали”га 26 млн долларлик соврин қўйилди
Art & Culture
−
01 December 2022 5246 1 minute
Саудия Арабистони подшоси Салмон бин Абдулазиз номидаги “Туялар фестивали”да 26 миллион АҚШ долларилик совғалар соврин учун қўйилди. Бу ҳақда “Arabnews” нашри хабар берди.
Бугун, 1 декабрь куни старт оладиган тақдимот Яқин Шарқдаги энг йирик туя фестивалларидан бири ҳисобланади. 45 кун давом этадиган фестиваль қироллик аҳолиси, хусусан, Форс кўрфази фуқаролари учун маданий, сайёҳлик, спорт, кўнгилочар ва иқтисодий манзилга айланиши кутилмоқда.
Фестивал Саудия Арабистони пойтахти Ар-Риёддан 130 км шимолда ўтказилади. Бўлажак мусобоқаларда турли зотдор туялар иштирок этиши айтилмоқда.
Маълумот учун, ўтган йили 70 кунлик “Туялар фестивали”да 43 турдан ортиқ мусобақа бўлиб ўтган ва совринлар тахминан 66,5 миллион долларни ташкил этган.
Озода Чориева
Live
All