Самарқанддаги 35 та мактабда коронавирус аниқланди

Жамият 4106
image

Самарқанд шаҳридаги 31 та умумий ўрта таълим мактабининг ўқитувчи ва ўқувчилари орасида коронавирус инфекциясини юқтириш ҳолатлари аниқлангани сабабли шу мактабларда 14 кунга ўқув жараёни масофавий шаклда ўтказган.

“Халқ сўзи”нинг ёзишича, кеча, 21 апрель куни ҳам 1, 19, 41 ва 47-мактаб ўқувчилари орасида касаллик юқтириш ҳолати аниқланган ва бу мактабларда ҳам ўқиш онлайн тартибда олиб бориладиган бўлди.

Маълумот учун, айни пайтда шаҳардаги 35 та мактабда таълим жараёни масофавий тарзда олиб борилмоқда. Ушбу мактабларнинг ўқитувчи ва ўқувчиларидан олинадиган тиббий тест натижаларига қараб ўқишлар анъанавий шаклга ўтказилиши мумкин.

Эслатиб ўтамиз, аввалроқ Тошкент вилоятидаги 14 та мактаб ва 15 та синф карантинга олинганди.

Умиджон Нозимжонов
Мақолага баҳо беринг
Баҳолаганлар: 169
Рейтинг: 3
t
×