Самарқандда хотини ва унинг танишини пичоқлаган эркак воқеа қандай бўлганини гапириб берди

3-саҳифа

image

Жорий йилнинг 20 ноябрь куни Самарқанд шаҳридаги Мирзо Улуғбек кўчасида жойлашган савдо дўконида эркак ўз хотини ва унинг таниши, эҳтимолларга кўра, аёлнинг жазманини пичоқлаб ўлдиргани ҳақида хабар берган эдик. Ушбу ҳолат бўйича Бош прокуратура Жиноят кодексининг 97-моддаси 2-қисми “а”, “ж” бандлари билан жиноят иши очилганини маълум қилган эди. 

Ушбу жиноятни содир этган эркак Ички ишлар бўлимига мурожаат қилиб, бўлган воқеани айтиб берди.

“Улар савдо мажмуасини ёнига келиб тўхташди. Қарасам, дўкон ичида қўл ушлашиб, бир-бирига кўнгилхушлик қилиб, телефон сотиб олмоқчи бўлиб юришган экан. Кейин мен уларни кўриб, рашк туфайли қотилликка қўл урдим. 

Бу ишни қандай қилганимни билмайман. Ўша пайт ҳеч нарсани билмадим. Ташқарига қайтиб чиқсам, ҳамма жойим қон. Пичоқлаганимни сездим, аммо ўлдириб қўйганимдан хабарим йўқ эди. Рашк устида хато қилмасдан, ўша пайтнинг ўзида уларни ички ишлар ходимларига топшириб юборсам бўлар экан. Қилмишимдан пушаймонман”, деган айбланувчи.

Эслатиб ўтамиз, аввалроқ ушбу мудҳиш қотилликни видеотасвирга олиб тарқатган 3 нафар самарқандлик шахсга нисбатан тегишли тартибда маъмурий баённомалар расмийлаштирилиб, профилактик тушунтириш ишлари олиб борилгани хабар қилинганди.


Мақола муаллифи

Теглар

Самарқанд пичоқлаган

Баҳолаганлар

1469

Рейтинг

2.9

Мақолага баҳо беринг

Дўстларингиз билан улашинг