Самарқандда қарийб 21,5 млрд сўмлик нефть талон-торож қилинди

3-саҳифа

image

Самарқанддаги нефть базада қарийб 21,5 млрд сўмлик нефть маҳсулотлари талон-торож қилинди. Бу ҳақда “Ўзбекнефтегаз” Матбуот хизмати хабар берди.

Қайд этилишича, “Мароқанд нефть базаси” МЧЖга қарашли Булунғур филиалида масъул шахс Х.Л. жавобгарлигидаги нефть маҳсулотлари инвентаризациядан ўтказилганда, 7 та вертикал пўлат сиғимларга (РВС) қасддан техник ўзгартириш киритиш ва қўлбола усулда сиғим ичига темир қувур жойлаштирилганлиги аниқланган.

Шунингдек, жами 21 млрд 494,7 миллион сўмлик 2 573,5 тонна нефть маҳсулотлари камомадига йўл қўйилиб, катта миқдорда талон-торож қилинган. Хусусан:

•    Аи-80 бензинидан 18 340,4 млн сўмлик 2 382,1 тонна;

•    ЭКО маркали дизель ёқилғисидан 75,2 млн сўмлик 4,7 тонна;

•    ТДЛ-05 маркали дизель ёнилғисидан 1 752,1 млн сўмлик 111,6 тонна;

•    ТД-К5 евро маркали дизель ёқилғисидан 1327,0 млн сўмлик 75,1 тонна.


Мақола муаллифи

Теглар

Баҳолаганлар

290

Рейтинг

3.1

Мақолага баҳо беринг

Дўстларингиз билан улашинг