Самарқанд ва Панжикентни боғловчи темир йўл қайси маблағ эвазига қурилиши маълум бўлди

Local

−

16 July 2021 visibility5591 timer1 minute

Аввалроқ Тожикистоннинг Панжикент ва Ўзбекистоннинг Самарқанд шаҳарларини темир йўллар билан боғлаш имкониятлари кўриб чиқилаётгани ҳақида хабар бергандик.

Эндиликда ушбу лойиҳа қайси маблағ эвазига амалга оширилиши маълум бўлди. Икки давлатни боғловчи Самарқанд–Панжикент темир йўли тожикистонлик ва ўзбекистонлик тадбиркорлар маблағи ҳисобига қурилади. Бу ҳақда Тожикистон Транспорт вазири Азиз Иброҳим журналистлар билан учрашувда айтиб ўтди.

Таъкидланишича, темир йўл қуриш масаласи Душанбе ва Тошкентда ўтказилган ҳукуматлараро комиссия йиғилишларида муҳокама қилинган.

Азиз Иброҳимнинг сўзларига кўра, лойиҳа қурилиши юклар ва йўловчилар қатновини оширади ва туризм ривожига ҳисса қўшади. Ҳозирда ишчи гуруҳ лойиҳани жорий қилиш бўйича иш олиб бормоқда.

Author

Самарқанд ва Панжикентни боғловчи темир йўл қайси маблағ эвазига қурилиши маълум бўлди

Farruxjon Murodqulov