Самарқанд ва Бухородаги уч туманда ИИБ бошлиғи ўзгарди

Жамият 29 Март 08:20

7769

Кеча, 28 март куни Ички ишлар вазирининг тегишли буйруғи билан Самарқанд вилоятининг Булунғур ва Нуробод, Бухоро вилоятининг Бухоро туманида Ички ишлар бўлими бошлиқлари ўзгарди.

Подполковник Абдували Саидмуродович Отамуродов Булунғур туман ИИБ бошлиғи лавозимига тайинланди. Тайинловга қадар Абдували Отамуродов Каттақўрғон тумани ИИБ бошлиғи лавозимида фаолият юритган.

Туман ИИБнинг олдинги раҳбари подполковник Бунёд Арзиқулович Жўрақулов бошқа лавозимга ўтганлиги муносабати билан лавозимидан озод этилди.

Подполковник Зокир Латипович Сувонқулов Нуробод туман ИИБ бошлиғи лавозимига тайинланди. Тайинловга қадар Зокир Сувонқулов Қўшработ тумани ИИБ бошлиғи лавозимида фаолият юритган.

Туман ИИБнинг олдинги раҳбари подполковник Аслам Нуруллаевич Очилов бошқа лавозимга ўтганлиги муносабати билан лавозимидан озод этилди.

Шунингдек, Ички ишлар вазирининг шахсий таркиб бўйича буйруғи билан подполковник Эркин Ўктамович Атоев Бухоро вилояти Бухоро тумани Ички ишлар бўлими бошлиғи лавозимига тайинланди.

Тайинловга қадар Эркин Ў.Атоев Бухоро вилояти Ички ишлар бошқармаси Жамоат хавфсизлиги хизмати Махсус қабулхона бошлиғи лавозимида фаолият юритган.

Суннатилла Абдуллаев

Мақолага баҳо беринг

Баҳолаганлар: 265

Рейтинг: 3.1