Рус тили Қирғизистонда расмий тил бўлиб қолди

Олам

image

Қирғизистонда рус тилининг расмий тил мақоми сақлаб қолинадиган бўлди. Бу ҳақда “Инсон ва фуқароларнинг ҳуқуқлари ва эркинликлари” шўъбасининг раҳбари Нурлан Шерипов бугун, 27 ноябрь куни бўлиб ўтган Қонституциявий йиғилишнинг онлайн брифингида маълум қилди.

Унинг сўзларига кўра, рус тили бўйича турли таклифлар бўлган, аммо Конституциявий йиғилиш аъзолари Асосий қонунда қирғиз тилини давлат тили, рус тилини эса мамлакатнинг расмий тили сифатида қолдиришга қарор қилишган.

“Рус тили расмий тил бўлиб қолади. Конституциявий йиғилишда қирғиз тили давлат тили, рус тили эса расмий тил сифатида тасдиқланди. Инглиз тилини киритиш бўйича ҳам таклифлар бўлди, аммо биз Конституциянинг ушбу қисмидаги матнлари ўзгармаслигини лозим топдик”, дейди Нурлан Шерипов.

Кеча, 26 ноябрь куни конституциявий йиғилиш аъзоси Садирдин Торалиев рус тилини расмий мақомидан маҳрум қилишни таклиф қилган эди. Унга кўра ёшлар қирғиз тилида гаплашишни тўхтатган. Бу мавзу эса кенг жамоатчилик муҳокамасига сабаб бўлди.
 


Мақола муаллифи

Теглар

Қирғизистон рус тили

Баҳолаганлар

74

Рейтинг

3

Мақолага баҳо беринг

Дўстларингиз билан улашинг