Rossiyalik harbiylarning Belarus poligonidagi mashg‘ulotlari videosi tarqatildi

Belarusdagi qo‘shinlarning mintaqaviy guruhi tarkibiga kiruvchi rossiyalik harbiy xizmatchilar respublika poligonlarida mashg‘ulotlarni davom ettirmoqda. Rossiya Mudofaa vazirligi bugun, 19 dekabr kuni harbiy mashg‘ulotlardan olingan kadrlarni e’lon qildi. 

“Mintaqaviy kuchlar guruhi tarkibiga kiruvchi rossiyalik harbiy xizmatchilar Belarus Respublikasi Qurolli kuchlari poligonlarida jadal jangovar tayyorgarlikni davom ettirmoqda. G‘arbiy harbiy okrug bo‘linmalarining jangovar tayyorgarligi va jangovar muvofiqlashtirish mashg‘ulotlari kunduzi va tungi vaqtda o‘tkaziladi”, deyiladi vazirlik xabarida. 

Rossiya Federatsiyasi Mudofaa vazirligining ta’kidlashicha, poligonlarda harbiy xizmatchilar standart qurollardan o‘q otish, harbiy transport vositalarini boshqarish, psixologik to‘siqlardan o‘tish, shuningdek, taktik tibbiyot ko‘nikmalarini o‘rganishadi. 

“Qo‘mondonlik bo‘linmalarning jangovar qobiliyati va jangovar tayyorgarligining yakuniy tavsifini batalon taktik mashqlaridan so‘ng muvofiqlashtirishning yakuniy bosqichida beradi”, deyiladi xabarda. 

Belarusm rezidenti Aleksandr Lukashenko 10 oktyabr kuni Belarus Qurolli kuchlari harbiy xizmatchilaridan iborat mintaqaviy qo‘shinlar guruhini shakllantirish boshlanganini e’lon qildi. Belarus rezidentining so‘zlariga ko‘ra, Rossiya Prezidenti Vladimir Putin bilan muzokaralar chog‘ida erishilgan guruhni faollashtirish qaroriga Ittifoq davlatining g‘arbiy chegaralaridagi vaziyatning keskinlashuvi sabab bo‘lgan